jueves, 10 de mayo de 2018

VIAXE A BRAGA DO ALUMNADO DE 1º E 2º DA ESO.

O 7 de maio de 2018 alumnado do 1.º ciclo da ESO realizaron unha visita á cidade de Braga. Nela realizaron un roteiro no que visitaron, entre outros, o Arco da Porta Nova, a Sé de Braga, a Praça do Município, o Jardim de Santa Bárbara, a Casa dos Crivos e Praça da República.






CELEBRAMOS A SEMANA DO LIBRO NO IES CELANOVA

Durante a semana do 23 de abril profesores e alumnos realizaron nas súas aulas numerosas actividades relacionadas coa lectura. O resultado deste traballo podédelo ver neste vídeo.




O día 20 de Abril recibimos en Celanova aos alumnos e profesores do IES Lamas de Abade de Santiago de Compostela. O trato recibido da súa parte cando nós visitamos Santiago foi inmellorable, así que desexamos estar á altura e ser uns anfitrións de excepción.
A noso percorrido comezou ca visita guiada ao Mosteriro de San Salvador de Celanova, a Capela de San Miguel e a Igrexa Barroca. Ao rematar subimos ao coro gótico da igrexa onde a profesora de música do IES Celanova explicou nun concerto didáctico o funcionamento do órgano e o seu valor artístico e musical. 
Unha vez rematada a visita ao mosteiro por fin coñeceron o noso fermoso centro e quedaron abraiados polas instalacións fundamentalmente a  Biblioteca, onde os alumnos de 2º de ESO A os recibiron cunha breve actuación musical.
Despois dun breve descanso para comer, á tarde visitamos Vilanova dos Infantes.






Os alumnos de 1º da ESO do IES Celanova viaxaron a Santiago de Compostela o día 20 de marzo para coñecer aos compañeiros do IES Lamas de Abade de Santiago de Compostela cos que previamente tiveron contacto por carta. Recibíronos con moita xentileza, ofrecendo seu alumnado un pequeno recital de música e danza tradicional e invitándonos a unha pequena merenda, que boa falta nos faría, para coller enerxía para o día cargado de actividades culturais que tiñamos por diante. O noso primeiro destino foi a Cidade da cultura de Galicia, á que chegamos andando despois dun recorrido a pé atravesando o monte de Galicia. Alí coñecemos toda a peculiar arquitectura da Cidade da Cultura e a súa Biblioteca.
Despois dun breve descanso para comer proseguimos a nosa ruta cunha visita excepcional ás cubertas da Catedral de Santiago de Compostela, e posteriormente ao seu exterior para coñecer as fermosas fachadas da Catedral e as súas características.











viernes, 20 de abril de 2018

XXX CERTAME DE RELATO BREVE CELSO EMILIO FERREIRO

O IES Celanova celebra a súa XXX edición do certame de relato breve Celso Emilio Ferreiro. Os alumnos participantes deberán realizar un relato que non sobrepase as tres follas de duración sobre a temática do proxecto anual de Biblioteca "Guerra e paz". O gañador do certame recibirá un premio de 100 euros en efectivo. Animamos a todo o alumnado a participar!!Moita sorte a todos!!!


                                                     

viernes, 16 de febrero de 2018

CELEBRAMOS O DÍA PAZ


Os alumnos do IES Celanova, celebraron un acto poético o pasado 30 de Xaneiro para conmemorar o día da Paz. A actividade consistiu no recitado de poemas en distintas linguas de temática da guerra. Esta actividade inclúese dentro do proxecto anual de Biblioteca "Guerra e Paz". Previamente na hora de lectura o alumnado preparou unha escolma de poemas seleccionados polos profesores de Lingua Castelá, Lingua Galega e EDLG. Posteriormente escribiron nun folio de color o fragmento que más lles chamou a atención, elaborando unha paxariña de papel que eles mesmos colocaron no taboleiro. Foi un acto sobrio, intenso, cargado de sentimentos contidos polo dramatismo dos textos excepcionalmente seleccionados.

lunes, 22 de enero de 2018

GALICIA MÁXICA